Actualidad

O pasado 21 de maio, EAPN Galicia e Fundación Esplai organizaron un obradoiro sobre como afecta o teletraballo ás entidades sociais.

Co obxectivo de coñecer como afecta a normativa do teletraballo ás entidades do Terceiro Sector e as súas implicacións, EAPN Galicia, en coordinación coa Fundación Esplai Cidadanía Comprometida, organizaron unha xornada na que se abordou a explicación do marco xurídico e dos aspectos que se deben ter en conta dende as organizacións sociais.

Así mesmo, se fixo unha abordaxe sobre as principais problemáticas que se presentan á hora de implementar o teletraballo nas entidades, pero tamén das oportunidades que este pode supoñer.

A xornada, que estaba especialmente dirixida a persoal directivo ou xerencias de pequenas e medianas entidades, asistiron persoas de 21 organizacións. Nunha primeira parte proporcionouse información sobre a nova normativa do teletraballo, a diferencia entre teletraballo e traballo a distancia, e as vantaxes e desvantaxes da súa implementación, para rematar coa resolución de dúbidas comúns e prantexamento de propostas de mellora e incidencia política neste eido.

Documentación da xornada

• Presentación `Gestión Tercer Sector: Como compartir recursos más de 1000 entidades´
• Presentación `Como afecta a normativa de teletraballo ás entidades do Terceiro Sector?´

PROGRAMA

10.00h. Benvida EAPN Galicia e Fundación Esplai

10:05h. Como compartir recursos entre máis de 1.000 entidades: unha proposta dende Fundación Esplai Xestión Terceiro Sector.

10:15h a 11:00h. A nova normativa de Teletraballo. Como afecta as entidades?:

• Que é realmente o teletraballo e que non é?
• Que di a normativa? Obrigacións para implantar o teletraballo
• Organización do traballo
• Xestión laboral das situacións de teletraballo

11:00 h a 11:15h. Problemas na implantación do teletraballo

11:15h a 11:40h. FAQS: preguntas máis frecuentes e experiencias coñecidas de teletraballo

11:40h a 12:00h. Quenda de preguntas e intervencións