Warning: Undefined array key "file" in /var/www/vhosts/devecomputer.com/eapngalicia.devecomputer.com/wp-includes/media.php on line 1788
Warning: Undefined array key "file" in /var/www/vhosts/devecomputer.com/eapngalicia.devecomputer.com/wp-includes/media.php on line 1788
«Que se poñan nos nosos zapatos e na nosa pel!»
«Sen empatía, nin a participación política nin a gobernanza son posibles» .Unha das conclusións que dende Galicia se presentaron no XII Encontro de Participación, Gobernanza e Dereitos, nas Palmas de Gran Canaria, e que contou con presenza de máis de 140 persoas de todo o país.
Neste encontro participaron máis de 140 persoas de todo o país, posibilitando que todas elas fixesen contribucións e propostas para reivindicar cambios sociais e políticos que melloren o seu benestar social e calidade de vida.
EAPN leva unha longa traxectoria na celebración de Encontros, Seminarios e Congresos de Participación, tanto a nivel europeo como estatal e autonómico, co obxectivo de que as persoas en situación ou risco de exclusión social sexan as protagonistas daquilo que lles afecta e a posibilidade de fortalecer a súa presenza na esfera pública.
O Seminario centrouse nos diferentes canles de participación existentes: social, comunitaria, e política, para identificar qué indicacións ou recomendacións débense seguir por parte das entidades, a administración e a comunidade para favorecer a participación a todos os niveis das persoas en situación de pobreza ou exclusión.
Traballáronse conceptos coma “Gobernanza” mi “Bo Goberno” e tratouse de analizar, mellorar e ampliar as posibilidades de participación para que a cidadanía poda levar a cabo o exercicio pleno dos seus dereitos.
Dende Galicia, realizouse un proceso previo de identificar e valorar propostas para impulsar no Seminario. Cos resultados dunha consulta on line, levouse a cabo un taller na sede de Emaús en Vigo, para identificar e priorizar entre todas as propostas que as persoas participantes realizaron en diferentes encontros tanto a nivel estatal como autonómico.
Ademáis dos talleres, a portavoz da delegación galega, Basilisa Gabarri foi a encargada de transmitir en nome das súas compañeiras , as propostas consideradas máis urxentes, especialmente as que teñen que ver con alcanzar unha gobernanza de calidade, coma por exemplo:
“A vivenda é o primeiro!, Débense ofrecer como aluguer social as vivendas de bancos e do sector privado que estean desocupadas. Queremos que estas vivendas sexan 100% accesibles ás condicións de cada persoa”
“Consellos Populares de participación cidadá, a nivel municipal, organizados directamente por EAPN, para desa forma asegurar a participación real da cidadanía”.
«Non é burocracia, é violencia administrativa». Isto supón unha verdadeira barreira para os nosos dereitos. Transformemos a linguaxe administrativa e xudicial para que calquera persoa poida entendelo«.
«Acabemos cos prexuizos! Estamos fartas de que en moitos traballos se nos discrimine por etnia, idade , ou sexo, e por unha falta de sensibilización e empatía, cargada de prexuízos».
«E que pasa coas rendas mínimas? As persoas perceptoras, estamos moi cansas de ter que volver continuamente ao momento de partida, entrar en bucle e non poder saír desa situación por culpa de requisitos que non paran de dificultar o acceso ás prestacións».
«A educación é a base dos nosos valores coma sociedade. Por iso demandamos que esta sexa realmente pública, gratuita, de calidade e inclusiva».
«Posicionémonos en contra da cultura da violencia de xénero, empezando, por exemplo, con sentenzas máis xustas que conciencien realmente á cidadanía, e reparto equitativo de coidados e roles».
Impulsando a participación da muller xitana
Dentro deste XII Encontro, o programa da Fundación Secretariado Gitano en A Coruña: «Impulsando a participación da muller xitana» foi escollido coma exemplo de boa práctica de participación: Basilisa Gabarri e Olalla López foron as encargadas de expoñelo.
Máis Información:
Presentación Conclusións XII Encontro Estatal
Presentación de Basilisa e Olalla de Boas prácticas na Participación. «Impulsando a Participación da Muller Xitana».
