O Terceiro Sector únese para unha reforma da Lei do Mecenado que contribua a facer fronte ás crecentes necesidades sociais
Compartir nas redes
Distintas organizacións do Terceiro Sector consideramos necesario abordar unha reforma da Lei do Mecenado no contexto de crise actual, que está a ter un importante impacto na nosa sociedade cun notable incremento das necesidades sociais e unha redución significativa de recursos públicos.
Consideramos que a futura Lei debería considerar as seguintes cuestións:
- Elevación das porcentaxes de dedución no IRPF e no Imposto sobre Sociedades polas doazóns e achegas a entidades beneficiarias do mecenado que realicen particulares e empresas.
- Dedución na cota do IRPF do 100% dos donativos que non superen certas contías.
- Regulación adecuada dende o punto de vista fiscal das doazóns en especie, particularmente das doazóns de servizos, outorgándolles un axeitado beneficio fiscal.
- Equiparación dos incentivos fiscais previstos para os convenios de colaboración empresarial en actividades de interese xeral, aos das doazóns puras e simples.
- Participación do sector das entidades beneficiarias do mecenado na definición anual das actividades prioritarias de mecenado.
