Presentación - EAPN Galicia

Que é EAPN Galicia

A Rede Europea contra a Pobreza é unha entidade non lucrativa e de acción social que agrupa a entidades autonómicas do terceiro sector implicadas na loita contra a pobreza e a exclusión a través da defensa dos dereitos dos colectivos en risco e da súa participación comunitaria plena.

EAPN Galicia nace en setembro de 2008 como resposta natural á necesidade de crear unha ferramenta de intervención social capaz de elaborar estratexias que incidan nas políticas sociais desenvolvidas en Galicia.

Na actualidade, está constituída por 152 ONG a través de 30 entidades membro representativas de colectivos vulnerables, que unen en rede os seus esforzos para acadar sinerxías e crear unha plataforma que denuncie as desigualdades sociais, que canalice e dea voz ás demandas do sector para a súa introdución na axenda política.

EAPN-Galicia forma parte tamén da European Anti Poverty Network, Rede no nivel europeo que leva traballando de modo independente dende 1990, e está integrada en EAPN España.

Inscrición no Rexistro Único de Entidades Prestadoras de Servicios Sociais
EAPN-Galicia: Quen Somos 2013

A Xunta directiva de EAPN-Galicia está composta por:

Presidencia

Ana Pardo Fernández

Diplomada en Traballo Social pola Universidade de Vigo, complementa a súa formación no eido da atención psicosocial a persoas en situación de senfogarismo xunto a xestión e dirección de entidades sociais. Compaxina o exercicio da profesión como traballadora social dende o ano 2007 en diferentes ámbitos: menores, maiores, exclusión social severa, migracións e como docente no eido sociosanitario. No 2017 inicia a súa traxectoria profesional na entidade Provivienda asumindo a dirección territorial no 2019.

Vicepresidencia

Javier Hermida Porto

Coordinador da Federación Alzheimer Galicia. Traballador Social especializado en entidades sen ánimo de lucro, especialmente nos eidos das persoas maiores e das discapacidades e dependencia.

Secretaría

Ana Álvarez Franco

Directora da Fundación Erguete Integración. Licenciada en Pedagoxía, postgraos en Formación Ocupacional, Inserción Sociolaboral, e Intervención en Drogodependencias . Comezou a súa traxectoria na entidade como titora e posteriormente directora de obradoiros de emprego e axente de emprego. Actualmente desenvolve a funcións de dirección e xestión, coordinando os diferentes os programas e servizos e a áreas de relacións institucionais.

Tesoureiría

Miguel Rodríguez García

Responsable Territorial en Galicia da Fundación Esplai. Licenciado en Ciencias Políticas e da Administración (USC). Máster en Cooperación Internacional e Xestión das ONGD. Curso de Adaptación Pedagógica (CAP). Desde o 2008 vinculado ao Terceiro Sector en múltiples campos: Cooperación Internacional, Educación para o Desenvolvemento, Comunicación Social, Innovación Educativa. Incorporouse á Fundación Esplai no 2020, na área socioeducativa e e-inclusión.

Vogalía

Ignacio Rodríguez Saez

Licenciado en Dereito con máis de dez anos de experiencia no movemento asociativo no campo da discapacidade despois do seu inicio na práctica do dereito. Comezou en COGAMI en setembro de 2001 como asesor laboral do Servizo de Integración Laboral, despois incorporouse ao Consello de Administración da entidade como Secretario, converténdose en axente de emprego e asesor xurídico.

Vogalía

Sonia Caldas Novás

Directora da Federación Down Galicia.

Vogalía

Saray Durán Gato

Directora xeral da Asociación Ecos do Sur. Graduada en Traballo Social pola Universidade de Santiago de Compostela e Experta Universitaria en Xestión de Entidades sen ánimo de lucro, forma parte do equipo de Ecos do Sur dende 2009

Misión y visión

No Plan Estratéxico 2022-2025 establécese que EAPN-Galicia é unha organización non lucrativa, que reúne ás entidades do Terceiro Sector de Acción Social implicadas na loita contra a pobreza, a exclusión e a desigualdade social e de xénero. Que traballa polas mesmas causas, desde un enfoque de dereitos pola defensa dos intereses das persoas en situación ou risco de pobreza e da súa participación comunitaria plena, mediante a incidencia política e social propositiva.

A Rede Europea Contra a Pobreza pretende contribuir ao proceso de articulación do Terceiro Sector Social en Galicia, traballando por causas comúns das entidades, e ter capacidade de incidencia política e social para a erradicación da pobreza e a exclusión social desde un enfoque de dereitos.

EAPN-Galicia subscribe como fundamentos do seu propósito a Declaración Universal dos Dereitos Humanos, a Convención sobre os dereitos do neno, e a Convención sobre os dereitos das persoas con discapacidade, así como os dereitos recoñecidos na Constitución Española e no Estatuto de Autonomía de Galicia. Os retos que se queren afrontar atópanse aliñados coa Axenda 2030 e os seus Obxectivos de Desenvolvemento Sostible, en especial os ODS1: FIN DA POBREZA e entendendo que o incumprimento do dereito ao acceso á unha vivenda digna, axeitada e accesible é unha das principais causas que impiden a loita efectiva contra a pobreza e a exclusión social en Galicia, o ODS 11: CIUDADES Y COMUNIDADES SOSTENIBLES no que se establece como meta principal no 2030 “asegurar o acceso de todas as persoas a vivendas e servizos básicos axeitados, seguros e adsequibles e mellorar os barrios marxinais”.

Valores

Asume especialmente os seguintes principios e valores:

Independencia
Participación activa
Compromiso
Colaboración
Transparencia
Innovación
Representatividade
Equidade de xénero
Respecto mutuo

Obxectivos

Entre os nosos obxectivos destacan:

Facilitar os fluxos de información entre as organizacións do terceiro sector e contribuír á formación dos seus diversos axe
Contribuír a analizar a realidade da pobreza e a exclusión social e reflexionar sobre as súas causas e sobre as propostas para a incidencia das mesmas, promovendo estudos e investigacións, así como xornadas, seminarios e foros de reflexión e análise.
Incidir nas políticas sociais desenvolvidas en Galicia, dende o ámbito europeo e estatal ata o local, con especial incidencia nas políticas deseñadas e executadas pola Xunta de Galicia.
Potenciar a transparencia e mellora da xestión do sector, desenvolvendo unha estratexia de calidade e responsabilidade das organizacións, así como recompilando e transferindo as boas prácticas identificadas.
Sensibilizar ao conxunto da sociedade e corresponsabilizar aos axentes clave, en particular Administracións Públicas e empresas, sobre as cuestións relativas á inclusión social a través de diferentes iniciativas, como a responsabilidade social corporativa.